| maggie's profile★*bAbY☆mAc*★PhotosBlog |  Tools  Help |
|
October 27 我的寶貝_ChloeSeptember 19 公司運動會公司係十月二十號係深圳攪個運動會  全香港同深圳既同事都要參與, 聽落都覺得幾得意, 不過得返一個月時間籌備我就替做野既同事慘!!好可惜~運動會當日就係小寶寶既預產期..所以我無份參與lu~ 希望咁多位同事玩得開心d啦~要加油呀 September 03 開始倒數 而家已經33周啦..仲有7個星期小寶寶就出黎lu~心情開始緊張起黎, 成日都諗: 買齊野未?有d咩未準備好?會唔會比預期早出黎?同埋幾時開始放假好?
有晚仲發夢自己生得tim呀..哈哈哈哈~~我既target呢就係10月15號開始放假, 因為我可以放到出年先返工  幾正呀!希望真係捱到啦~~August 27 仲有2個月上星期照左超聲波, 終於都見到佢個樣啦.不過都只係睇到1隻眼同半邊鼻..其他都俾隻手遮住左 ..磅數亦到重左好多. 而家已經有4磅半重啦..仲有2個月小寶寶就出黎啦!!好緊張呀 August 16 病病病唉~~由星期六開始發燒, 燒到星期一先退  而家個病都未有好轉. 個鼻仲係好塞, 喉嚨仲係好痛..已經每日未到10點就已經入房訓. 休息夠,我亦有準時食藥.點解咁耐都未好返既呢??我唔想再食藥啦.. July 16 小寶寶最新狀況今次檢查小寶寶身形大左好多, 醫生仲話佢而家已經有2磅重啦,  我仲見到佢個面珠登tim呀, 今次佢訓緊覺, 所以無咩大動作見到.不過就覺得佢好似好迫咁, 剩係d臍帶都佔左好多位, 整到佢手手腳腳全部都屈埋. 之於我呢..都重左好多, 連隻腳都開始腫腫地tim呀..係時候要做多d運動, 如果唔係第時都唔知點減 July 12 尋找報紙已經將部份相post左上space啦..當然未upload曬上黎啦, 總共有28筒呀~因為實在太多, 我已經過左每月個限額.唯有下個月先再upload啦.不過大家可以睇左d先既...
整整下d相, 先發覺原來一直想搵既5月25號太陽報到而家都係搵唔到..  July 09 六個月lu~原本星期六可以見到小寶寶最新面貌, 但姑娘星期五call我話部照聲波機壞左 , 無3D同4D睇.仲無得錄DVD..聽到個一刻都有小小失望..因為等左成個月都好掛住小寶寶個樣 唯有改下星期六先睇啦..唔知到時部機整好未呢 July 04 澳門之旅今年旅行就去左澳門玩lu~係呢2日1夜入面, 行程唔多,只係食同行, 不過行到我隻都軟呀..因為我地行曬澳門咁多間新起同埋比較出名既賭場. 不過就無帶咁多錢, 賭唔曬咁多間
收獲就無啦~2個人加埋都係輸左$300算係咁架啦.呢2日1夜入面, 真係辛苦曬一個唔捱得夜, 記憶唔好,反應遲鈍同埋影相唔arm位既導遊-陳狒狒先生  ..如果無佢我都唔知原來係澳門剩係搭3號巴士就可以去好多地方啦..hahaha~ June 29 亞媽真係唔易做今朝到而家個子宮都好痛  痛到我連行路同講野都無咩力, 就快頂唔順啦.又唔食得藥, 又無得舒緩痛楚..只能夠忍 .問左醫生同d有經驗既朋友. 佢都話呢d反應係正常, 但仲要捱多幾個月..bb你乖d啦~~等我舒服d好無?June 18 新形象聽人講唔係個個都肯剪短d頭髮, 因為外型轉變太大唔係人人都受到. 所以就算熱到痴肺都keep住好長既頭髮.初初我都係咁諗..不過諗諗下, 頭髮會長返..身型都可以keep返..算啦..呢幾個月就由得佢啦..過到自己個關就ok啦 不過我一定唔可以肥到好似我家姐咁~~June 13 ~風雨不改既代價就要俾多d錢~今晚約好曬人去游水, 雖然風大雨大但亦都無阻我地成班人既興緻..照入去游~~點知換換下衫既然播咪"雷暴警告現正生效, 請各位泳客立即上水" 水都未落就已經無得游..咁唯有出去睇下咩環境啦..嘩~唔止落雨呀..仲行雷tim呀~~俾左17蚊連泳池水都掂唔到..唉之後亞賢就提議去仁愛堂游室內池.又要再俾多28蚊入場費..無計啦..鬼叫我地風雨不改咩.. 第一次游室內既感覺都幾好..因為我成日都唔夠氣游曬一個塘..今日我游到個半塘tim呀~幾勁呀連游水游得最屎既"狒狒"都叻左好多呀..游得好遠.不過從水底睇"狒狒"既泳姿就好似一條死魚咁.哈哈~不過已經好左好多架啦..因為佢之前游到好似一個叫緊救命既人, 而家變左魚..你話係咪好左好多呢繼續努力啦"狒狒"你仲要出海表現架我要減磅上個月睇醫生, 醫生話我磅數唔夠
 ...到今個月睇醫生, 醫生竟然話我已經超磅..哈哈哈今個月要開始節制住我既食量lu!!做多d運動, 游多d水 但係唔知點解, 而家開始到夜晚10點半鐘我就會好眼訓..眼訓到隻眼係咁鏢眼水.唔訓唔得個隻.想話落街行下做運動都唔得..再係咁落去, 容嘜易變肥婆呀 點算好呀~~~~ |
Chloe個樣非常得意, 人人都話佢似我
希望bb快d好返, 快d出院!
亦非常極之期待佢既來臨. 不過一諗到返多9日工就放大假..日子都過得快d呀
bb我地要加油呀.
|
|
