BB係10月25號降臨Chloe個樣非常得意, 人人都話佢似我

我今日都出左院囉, 但我寶貝, 醫生話佢黃所以要留院照燈, 聽到之後我非常唔開心, 因為要同佢分開,

今晚得返佢自己一個一定好驚啦.希望bb快d好返, 快d出院!

第一天

第二天

第三天

仲有3個星期我既身份將榮升另一層次.心情越來越緊張亦非常極之期待佢既來臨. 不過一諗到返多9日工就放大假..日子都過得快d呀bb我地要加油呀.

公司係十月二十號係深圳攪個運動會全香港同深圳既同事都要參與, 聽落都覺得幾得意, 不過得返一個月時間籌備我就替做野既同事慘!!好可惜~運動會當日就係小寶寶既預產期..所以我無份參與lu~希望咁多位同事玩得開心d啦~要加油呀

上星期照左超聲波, 終於都見到佢個樣啦.不過都只係睇到1隻眼同半邊鼻..其他都俾隻手遮住左..磅數亦到重左好多. 而家已經有4磅半重啦..仲有2個月小寶寶就出黎啦!!好緊張呀

唉~~由星期六開始發燒, 燒到星期一先退而家個病都未有好轉. 個鼻仲係好塞, 喉嚨仲係好痛..已經每日未到10點就已經入房訓. 休息夠,我亦有準時食藥.點解咁耐都未好返既呢??我唔想再食藥啦.. 

結婚當日既相終於都upload左上網啦, 大家去下面條link睇睇啦

http://picasaweb.google.com/maggietsw1122